Դեսպան Բալայանի և արքեպիսկոպոս Պարսամեանի հանդիպումը Լյուքսեմբուրգի Կարդինալի հետ

22 նոյեմբերի, 2022

Նոյեմբերի 18-ին դեսպան Տիգրան Բալայանի ուղեկցությամբ Արևմտյան Եվրոպայում Հայ առաքելական եկեղեցու առաջնորդ Խաժակ արքեպիսկոպոս Պարսամեանը այցելեց Լյուքսեմբուրգի կաթոլիկ եկեղեցու առաջնորդարան, որտեղ հանդիպում ունեցավ Լյուքսեմբուրգի արքեպիսկոպոս՝ Կարդինալ Ժան-Կլոդ Հոլերիշի հետ։ Հանդիպման հիմնական նպատակն էր՝ քննարկել Լյուքսեմբուրգի հայ համայնքային կյանքին առնչվող մի շարք ծրագրեր՝ ուղղված հայ հոգևոր և մշակութային արժեքների տարածմանը Լյուքսեմբուրգում։

Կարդինալը դրական արձագանքեց հայկական կողմի բարձրացրած հարցերին՝ նշելով, որ իր համար մեծագույն պատիվ է՝ իր իրավասությունների շրջանակներում աջակցել Հայաստանին և հայ ժողովրդին առնչվող ցանկացած նախաձեռնության։

Դեսպան Բալայանը և արքեպիսկոպոս Պարսամեանը հանդիպում ունեցան Լյուքսեմբուրգի Քրիստոնեա-սոցիալական կուսակցության անդամ, Լյուքսեմբուրգի փոխքաղաքապետ Լորան Մոզարի հետ։ Վերջինիս հետ քննարկվեցին հայ-լուքսեմբուրգյան բարեկամական կապերը տարբեր բնագավառներում խորացնելու և զարգացնելու ուղղությամբ անհրաժեշտ գործնական քայլեր։

Արքեպիսկոպոս Պարսամեանը և դեսպան Բալայանը հանդիպում ունեցան նաև Լյուքսեմբուրգի և սահմանակից երկրների տարածքում բնակվող հայ համայնքի մի շարք ներկայացուցիչների հետ։ Քննարկվեցին համայնքի հոգևոր և մշակութային կյանքի կազմակերպմանն ուղղված հարցեր, որից հետո դեսպանը և արքեպիսկոպոսը պատասխանեցին ներկաների հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր